नवलपुर । ३० गते हुने स्थानीय तह निर्वाचनका लागि सुरक्षाकर्मी सहित निर्वाचन अधिकृत मतदान स्थल पुगेका छन् । मतदान सामग्री सहित उनिहरु मतदान स्थलमा पुगेका हुन् । पहिलो दिन नवलपुरको बौदीकाली, हुप्सेकोट, बुलिङ्गटार र विनयी त्रिवेणी गाउँ पालिकाका मतदान अधिकृतहरूलाई निर्वाचन सामग्री प्रदान गरेका थिए भने दोस्रो दिन कावासोती, मध्यविन्दु, देवचुली र गैडाकोटका मतदान अधिकृतहरूले मतदान सामाग्री बुझेका थिए ।
आज सबै स्थानमा नयाँ प्राप्त गरेका मतदाता परिचय पत्र वितरण गरिएको छ । छुटेका परिचय पत्रलाई भोलि पनि प्रदान गरेका छन् । नवलपुर जिल्लामा २९९ मतदान केन्द्र रहेको छ भने २९९ जना नै मतदान अधिकृत रहेका छन् । त्यसैगरी २९९ जना नै सहायक अधिकृत रहेका छन् । नवलपुर जिल्लामा १४९३ जना कर्मचारी र करिब ९०० स्वयम् सेवक रहेको जनाइएको छ ।
आजबाट नै मतदान स्थलमा खम्बा गाड्ने काम भइरहेको छ ।