कावासोती, नवलपुर
नेपाल कम्यूनिष्ट पार्टी (बहुमत) नवलपुर जिल्लाको प्रथम जिल्ला भेला आज कावासोतीमा सम्पन्न भएको छ । पार्टी केन्द्रिय सचिवालय सदस्य तथा लुम्विनी व्युरो इन्चार्ज शार्दुलको प्रमुख आतिथ्यता रहेको कार्यक्रमकाे अध्यक्षता विशालले गर्नु भएकाे थियो । जिल्ला भेलाले विशाल संयोजक रहने गरी १७ सदस्यीय जिल्ला सम्मेलन आयोजक समिति गठन गरेको छ ।
भेलालाई सम्बोधन गर्दै प्रमुख अतिथि शार्दुलले वैज्ञानिक समाजवाद प्राप्त गर्न वैज्ञानिक समाजवादी क्रान्तिको बाटोमा लामबद्ध हुनुपर्ने बताउनु भएकाे छ । नेपाली क्रान्तिको अविभारा नेपाल कम्युनिष्ट पार्टी (बहुमत) ले जुनसुकै मुल्य चुकाउन परे पनि वैज्ञानिक समाजवाद प्राप्त गरि छाडने बताउनु भयो । भेलालाई केन्द्रिय सल्लाहकार सदस्य विश्वास र नवौं महाधिवेशन आयोजक समिति सदस्य तथा नवलपुर जिल्ला इन्चार्ज वन्दनाले सम्बोधन गर्नुभएको थियो ।