कावासोती । नेपाल मोबाइल व्यवसायी संघ नवलपुरको अध्यक्षमा शिव पोख्रेल चयन हुनुभएको छ । आज भएको प्रथम अधिवेशनबाट शिव पाेख्रेलकाे अध्यक्षतामा नेपाल मोबाइल व्यवसायी संघ नवलपुर गठन गरिएको हो ।
नवलपुर उद्याेग वाणिज्य संघका सदस्य मनी प्रसाद गुरुङको प्रमुख आतिथ्यतामा भएको प्रथम अधिवेशनले बरिष्ठ उपाध्यक्षमा प्रेम प्रसाद भट्ट, उपाध्यक्षमा प्रेम प्रसाद गौतम , अर्का उपाध्यक्षमा सुशिल श्रेष्ठ, सचिवमा दीर्घ सिन कुमाल , सह सचिवमा हरि पौडेल , कोषाध्यक्षमा आनद पाण्डे गरि २३ सदस्यीय कार्यसमिति निर्माण गरेको छ ।
संघ मार्फत मोबाइल व्यवसायीको हक हित र प्रर्वद्धनमा कार्यगर्ने, आउने समस्यालाई सामूहिक रुपमा निराकरण गर्ने योजनाका साथ काम गरिने नव गठित संघका अध्यक्ष शिव पोख्रेलले बताउनुभयो ।