नवलपुर । १३ कार्तिक । पाल्पाकाे रामपुर हुगिबाट मनकामना दर्शनको लागि जाँदै गरेको बस नवलपुरको बुलिङ्गटार-२, डाँडाझेरीको मथारमा दुर्घटना हुँदा पाँच जनाको घटनास्थलमै ज्यान गएको छ ।
ना६ख ७५८० नं. को बस दुर्घटनामा परेको हो । दुर्घटनामा परी बसमा सवार ३५ जना मध्ये ५ जनाको घटनास्थलमै मृत्यु भएको र बाँकी ३० जना सबै घाइते भएको जिल्ला प्रहरी कार्यालय नवलपुरले जनाएको छ ।
बस सडकबाट १०० मिटर तल खसेको छ । अहिले उद्धार कार्य भइरहेको छ । मृतकको पहिचान हुन सकेको छैन । घटनाको विस्तृत विवरण आउन बाँकी छ ।