देवचुली ४ को शान्ति सिर्जना आधारभूत विद्यालयको मतदान केन्द्र “क” मा पुन मतदान सुरु भएको छ।
आज सोमबार प्रदेश सभा समानुपातिक तर्फको मात्र पुन : मतदान सुरु भएको हो।
हिजो आइतबार निर्वाचनमा मतदानको क्रममा एक मतदाताले मतपत्र नष्ट गर्ने उद्धेश्यले मतपेटिकामा आगजनी गरेसंगै प्रदेश सभा समानुपातिक तर्फको मतदान स्थगित गरिएको थियो।
नवलपुरका मुख्य निर्वाचन अधिकृत उमेश प्रसाद लुइँटेलका अनुसार बिहान ७ बजे देखि मतदान सुरु भएको जानकारी दिनुभएको छ । अहिले मतदान स्थलमा मतदाताहरु आउने क्रम जारी रहेको छ । मतदान बेलुकी ५ बजे सम्म हुनेछ ।