डण्डा । १० पाैष । अग्याैली खानेपानी तथा सरसफाई उपभाेक्ता संस्था अग्याैली डण्डाकाे उपाध्यक्षमा गाेपाल सिर्पाली भारी मतान्तरले विजयी हुनुभएकाे छ । जम्मा खसेकाे ११३३ मा गाेपाल सिर्पालीले ६४४ ले मत प्राप्त गर्नु भएकाे थियाे भने उहाँकाे प्रतिद्वन्द्वी खगेश्वर बाेहाेराले ३८० मत प्राप्त गर्नु भएकाे थियाे । त्यसैगरी निर्वाचन भएकाे काेषाध्यक्षमा ज्याेति ढकाल न्याैपानेले ६१९ मत ल्याएर विजयी हुनु भएकाे छ । उहाँकाे प्रतिद्वन्द्वी माया श्रेष्ठले ३०२ मत प्राप्त गर्नु भएकाे थियाे । त्यसैगरी महिला खुल्ला सदस्यमा गाेमा अाचार्य पाैडेलले ६४९ मत र निर्मला पाण्डेले ४७१ मत प्राप्त गरी विजयी हुनु भएकाे छ । भूगाेल सदस्यका लागि लडेका ६ जना मध्ये तिर्थ पाैडेल र गाेपाल गुरूङ्ग विजयी हुनु भएकाे छ ।
यस अघि नै अध्यक्ष, सचिव, लेखा संयाेजक लगायतकाे पदमा सर्वसम्मत भएकाे हाे ।
अध्यक्ष पदमा निवर्तमान अध्यक्ष साेभित शर्मा, सचिवमा अर्जुन चालिसे र कावासाेती १४, १५ र १७ बाट एक भूगाेल सदस्यमा निलकष्ठ तिमिल्सिना सर्वसम्मत भएका थिए ।
लेखा संयाेजक सहित लेखा सदस्यमा पनि यस अघि नै सर्वसम्मत भएकाे हाे । जसकाे संयाेजकमा दुर्गा बहादुर गुरूङ्ग, सदस्यमा ईश्वरी ढकाल र हाेमाकुमारी घिमिरे रहनु भएकाे निर्वाचन मण्डलका संयाेजक साैगम कुमार सिर्पालीले जनाउनु भएकाे छ ।
१८८२ मतदाता रहेकाे उक्त संस्थाकाे ६ जनाकाे लागि शनिवार जनता मा वि शहिदनगरमा निर्वाचन भएकाे हाे ।