कावासाेती, १६ पुष । कावासोती खानेपानी तथा सर–सफाई उपभोक्ता संस्थाको ९ औं अधिबेशनका लागि अाज निर्वाचन हुँदै छ ।
निर्वाचनमा दिपकराज लम्साल नेतृत्वको प्यानलबाट उम्मेद्वार रहेका सम्पूर्ण उम्मेद्वारहरुलाई जिताउन नगरमा रहेका चार दलले हिजाे संयुक्त बिज्ञप्ती जारी गरेका छन् । संयुक्त विज्ञप्तीमा नेकपा एमालेको तर्फबाट नगर कमिटि अध्यक्ष रामकृष्ण ढुङ्गाना, नेकपा माओवादी केन्द्रको तर्फबाट नगर कमिटि उपाध्यक्ष रमिला भुजेल, राष्ट्रिय प्रजातन्त्र पाटी नगर अध्यक्ष राम बहादुर श्रेष्ठ र नेपाल समाजवादी पाटीको तर्फबाट नगर कमिटि अध्यक्ष डोलराज गैहेद्वारा हस्ताक्षर गरिएको छ ।
संयुक्त हस्ताक्षरित जारी विज्ञप्तीमा शनिवार हुने कावासोती खानेपानी तथा सर–सफाई उपभोक्ता संस्थाको ९ औं अधिबेशनमा सम्पूर्ण उपभोक्ता, पाटीमा आवद्ध सम्पूर्ण पाटी नेता, कार्यकर्ता तथा शुभेच्छुकहरुलाई अपिल गरेको छ ।
चार दलको समर्थनमा अध्यक्ष पदका उम्मेदवार दिपकराज लम्साल, उपाध्यक्ष विन्दु पराजुली ढकाल, सचिब ज्ञानेन्द्र न्यौपाने, जनजाति महिला सदस्य मिना कुमारी राना, दलित महिला सदस्य विर्सना सुनार, लेखा समिति संयोजक दिपेन्द्र न्यौपाने, लेखा सदस्य यात्मराम सुवेदी, लेखा समिति महिला सदस्य नारायणी न्यौपाने, वडा प्रतिनिधिहरु राम प्रसाद न्यौपाने (रामु) वडा नं. २, विनय अधिकारी वडा नं. ३, प्रकाश भण्डारी वडा नं. ५, गोमा नेपाली वडा नं. ६, रेशमलाल चापागाई वडा नं. ८ र चण्डीका प्रसाद. लामिछाने वडा नं. ९ बाट उम्मेद्वार बनेका छन् ।