काठमाडौं । नेपाली बजारमा आज (मंगलबार) पनि सुनको मूल्य स्थिर रहेको छ । गत आइतबारदेखि बजारमा सुनको मूल्य स्थिर रहेको हो ।
नेपाल सुनचाँदी व्यवसायी महासंघको अनुसार आज छापावाल सुन प्रतितोला १ लाख ५२ हजार रुपैयाँमा कारोबार भईरहेको छ । अघिल्लो कारोबार दिन सोमबार पनि सुन सोही मूल्यमा कारोबार भएको थियो ।
चाँदीको मूल्य भने बढेको छ । महासंघका अनुसार आज चाँदी प्रतितोला १ हजार ८ सय ३० रुपैयाँमा कारोबार भईरहेको छ । सोमबार चाँदी प्रतितोला १ हजार ८ सय १० रुपैयाँमा कारोबार भएको थियो ।