काठमाडौं । काठमाडौंमा भूकम्प जाँदा एक जनाले घरको छतबाट हाम फालेका छन् ।
आज बिहान गएको भूकम्पको धक्काले आत्तिएर नागार्जुन नगरपालिका वडा नम्बर १० स्युचाटार निवासी एक जना पुरुषले घरको छतबाट हाम फालेका हुन् ।
उनको दुवै खुट्टामा चोट लागेको छ । उनको अहिले मनमोहन मेमोरियल अस्पतालमा उपचार भइरहेको छ ।
यस्तै सिन्धुपाल्चोक भोटेकोसे गाउँपालिका ४ स्थित प्रहरी चौकी भवन चर्किएको छ । रामेछापमा एउटा गोठमा भूकम्पले क्षति पुर्याएको छ भने ओखलढुङ्गा र सोलुखुम्बुमा केही घरमा क्षति पुगेको छ ।
त्यसैगरी भूकम्पको धक्काले आत्तिएर बारामा विद्यार्थीहरू बेहोस भएका छन् । बाराको कलैया उपमहानगरपालिका वडा नम्बर १ देवकोटास्थित त्रिचन्द्र माविका कक्षा ७ र ८ मा पढ्ने ११ जना विद्यार्थी बेहोस भएका हुन् ।
उनीहरूको उपचार भइरहेको प्रहरीले जनाएको छ ।