काठमाडौं । नेपाली कांग्रेसका सभापति शेरबहादुर देउवाले पदाधिकारी र पूर्वपदाधिकारीको बैठक बोलाएका छन् ।
उनले आजै अपराह्न ४ बजेका लागि शीर्ष नेताको बैठक बोलाएका हुन् । बैठक देउवा निवास बुढानीलकण्ठमा बस्ने छ ।
बैठकमा समसामयिक राजनीतिक विषयमा छलफल हुने मुख्य सचिव कृष्णप्रसाद पौडेलले जानकारी दिए ।
बैठकमा संसदमा पेस भएका विधेयकहरूलाई छिटो प्रक्रियामा लाने विषयमा पनि छलफल हुने बताइएको छ ।
यसका साथै पार्टीको भ्रातृ संस्थाहरूको अधिवेशनका विषयमा पनि छलफल हुने उनले बताए ।