काठमाडौँ । गैरन्यायिक सडक तथा खोला मापदण्ड पीडित संघर्ष समितिले विरोध कार्यक्रम घोषणा गरेको छ । शनिबार दस पार्टी भेन्यु एण्ड रिसेप्सन कालीमाटीमा बसेको संघर्ष समितिको बैठकले विरोधका कार्यक्रम घोषणा गरेको हो ।
बैठकले भदौ ३१ गते मसाल जुलुस प्रदर्शन गर्ने र असोज ३ गते माइतीघर मण्डलामा विशाल विरोध प्रदर्शन गर्ने निर्णय गरेको छ । साथै बैठकले आन्दोलनमा साथ सहयोग गरिरहेका बिभिन्न पक्षलाई उक्त विरोध कार्यक्रममा समर्थन गर्न आग्रह गरेको छ।
सुमन सायमीको संयोजकत्वमा सुरु भएको बैठकमा केशव झा, स्वागत नेपाल, राजाराम तण्डुकार, अनुज थापा, मनिराम चौलागाईं लगायत अन्य वक्ताहरुले आन्दोलनमा समर्थन जनाएका छन्।